सशस्त्र प्रहरीका डिआईजी सुटुक्क भारतीय दुताबास, गृहमन्त्रालयद्वारा छानविन

काठमाडौं, मंसिर ९
सशस्त्र प्रहरीका डिआईजी प्रवीण श्रेष्ठ कुटनीतिक आचारसंहिताविपरित सुटुक्क भारतीय दूताबास गएका छन् ।

उनी यही मंसिर ६ गते दिउँसो पौने ३ बजे बा २ झ २३९० नम्बरको सरकारी गाडी चढेर सुटुक्क भारतीय दूताबास गएको खुलासा भएको हो । नयाँ पत्रिकामा खबर छ ।

डीआईजी श्रेष्ठ भारतीय दूताबासबाट ४ बजेमात्रै निस्किएको समाचार छ । यस विषयमा गृहमन्त्रालयले श्रेष्ठमाथि छानविन सुरु गरेको छ । यस विषयमा उच्च अधिकारीहरुबीच छलफल भएको सचिव प्रेमकुमार राईले बताए ।