भाइरल गर्ल ‘तरकारीवाली’ ले गरिन् विहे, को हुन् उनका श्रीमान् ?
काठमाडौं, मंसिर ७
कुनै समय सामाजिक सञ्जालमा चर्चामा रहेकी ‘तरकारीवाली‘ कुसुम श्रेष्ठले विवाह गरेकि छिन् । भाइरल तरकारीवाली कुसुम श्रेष्ठले मसीर ६ गते शुक्रबार (हिजो) धादिङ मैदीका राजन श्रेष्ठसँग विवाह गरेकी हुन् ।
गोरखा र चितवन जोड्ने फिस्लिङको पुलमा गोलभेडाको क्रेट बोक्दै गरेकोे कुशुमको तस्विर सामाजिक सञ्जालमा छोटो समयमै भाइरल भएको थियो । पाकिस्तानी चियावाला अरशद खानको तस्बिर भाइरल भएको केहि समयमै नेपालकी कुसुम भाइरल भएकि थिइन् ।
फोटो भाइरल भएलगत्तै श्रेष्ठलाई चलचित्र, म्यूजिक भिडियो, विज्ञापन, मोडलिंङ लगायत अफर थुप्रैले गरेका थिए । उनी नेपाल, भारत लगाएत बिबिसी जस्ता अन्तर्राष्ट्रिय सञ्चारमाध्यमहरूमा पनि छाएकी थिइन् ।
उनी अभिनित चलचत्रि ‘लम्फु’ फ्लप भएपछि हराएकि थिइन् । रातारात विश्वभर चर्चित बनेकी कुसुम अहिले भनें गुमनाम जस्तै छिन् ।
प्रकाशित मिति: ७ मंसिर २०७६, शनिबार
