अस्पतालबाटै प्रधानमन्त्रीले भने : चाँडैं काममा फर्किन्छु

काठमाडौं,कात्तिक १४
प्रधानमन्त्री केपी शर्मा ओलीले अस्पतालको बेडबाटै आफु चाँडै नै काममा फर्किने बताएका छन् । बुधबारदेखि ग्राण्डी इन्टरनेशनल अस्पतालमा उपचाररत प्रधानमन्त्रीको स्वास्थ्य अवस्थाबारे विभिन्न अड्कलवाजी भइरहेका बेलाबिहीबार बिहान प्रधानमन्त्री ओलीले अस्पतालको बेडबाटै आफू चाडै नियमित काममा फर्कने बताएका उनका प्रेस सल्लाहकार कुन्दन अर्यालले जानकारी दिए ।

अर्यालले भने, ‘आज बिहान मैले पनि गएर भेटे । राम्रोसँग कुरा गर्नुभयो । उहाँको स्वास्थ्य अवस्था समान्य छ। उहाँले आफु चाडै काममा फर्कने बताउनुभयोे ।’ प्रधानमन्त्री ओलीलाई बुधबार अस्पताल  भर्ना गरिएपछि उपप्रधान तथा तथा रक्षामन्त्रीईश्वर पोखरेल प्रधानमनत्री ओलीलाई भेट्न अस्पताल पुगेका थिए ।

मन्त्री पोखरेलबाहेक अरु कसैले पनि अस्पतालमा भेटघाट नगरेको अर्यालले जानकारी दिए । ग्राण्डी अस्पतालमा उपचाररत प्रधानमन्त्रीलाई चिकित्सकहरूले बिहीबार दिउँसो डिस्चार्ज गर्नेतयारी गरेका छन् । अस्पतालमा प्रप्रधानमन्त्रीको उपचारका लागि डा. सिहबाहेक डा. चक्रराज पाण्डे, दीलिप शर्मा र डा. प्रेम ज्ञवालीकोटिम उपचारमा संलग्न रहेका छन् ।