काभ्रे बस दुर्घटनाका घाइते भेट्न ओली धुलिखेल अस्पताल पुगे

काठमाडाैं, साउन ३२

एमाले अध्यक्ष तथा निर्वतमान प्रधानमन्त्री केपी शर्मा ओली सोमबार बस दुर्घट्नामा घाइते भएकाहरुलाई भेट्ना धुलिखेल अस्पताल पुगेका छन् । उनले दुर्घटना परी उपचारत ६ जनालाई भेटी उनीहरुको स्वास्थ्य अवस्थाबारे जानकारी लिएका थिए ।

सोमबार काभ्रेको विर्तादेउरालीमा बस दुर्घट्ना हुँदा २७ जनाको ज्यान गएको थियो भने ३९ जना घाइते भएका थिए । मृतकको शव राखिएको शिर ममोरियल अस्पतालको शवगृह पुगेर उनले जानकारी लिएका थिए ।

एमाले जिल्ला अध्यक्ष टोकबहादुर वाइवाले उनलाई घटनाबारे जानकारी दिएका थिए । सञ्चारकर्मीसँग कुरा गर्दै ओलीले घाइतेको उपचारको लागि सरकारलाई आग्रह गरिएको बताए ।