सिडिओहरुको सरुवा, कसको कहाँ ? हेर्नुहोस्

काठमाडौं, कार्तिक १
गृह मन्त्रालयले पाँच जना प्रमुख जिल्ला अधिकारी (सिडिओ) हरुको सरुवा गरेको छ । आज बसेको मन्त्रिस्तरीय बैठकले सिडिओहरुको सरुवा गरेको गृह मन्त्रालयले जनाएको छ ।

यसरी सरुवा हुनेहरुमा जिल्ला प्रशासन कार्यालय बर्दियाका सिडियो राम बहादुर कुरुम्वाङलाई स्याङजामा सरुवा गरेको छ । स्याङजाका कोशहरि निरौलालाई गुल्मि सरुवा गरेको छ । कुरुम्वाङको ठाउँमा इलाका प्रशासन कार्यालय चन्द्रौटा कपिलवस्तुका उपसचिव प्रेमलाल लामिछानेलाई पठाएको छ ।

त्यसैगरी गुल्मिका सिडिओ यदु नाथ पौडेललाई दार्चुला सरुवा गरेको छ भने दार्चुलाका सिडिओ शंकर बहादुर विष्टलाई इलाका प्रशासन कार्यालय चन्द्रौटा, कपिलवस्तु पठाएको गृह मन्त्रालयले जारी गरेको विज्ञप्तीमा उल्लेख छ ।