भोजपुरमा आगलागीबाट धनमाल नष्ट

भोजपुर, कात्तिक१
भोजपुरको  साल्पासिलिछो गाउँपालिकामा आगलागी हुँदा धनमाल जलेर नष्ट भएको छ । शुक्रबार बिहान साल्पासिलिछो गाउँपालिका ३ पानदुरे बस्ने मनरथ राईको २ तले कच्ची घरमा खाना पकाउने चुलोबाट आगलागी हुँदा घर र घरभित्र रहेका अन्नपात, लत्ताकपडा, भाँडावर्तन, काठपात, सुन २ तोला र नगद ५ हजार रुपैयाँ समेत गरी करिब ३ लाख रुपैयाँ बराबरको धनमाल नष्ट भएको छ ।

आगलागी नियन्त्रणमा लिएर यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय भोजपुरले जनाएको छ ।