नेकपा सचिवालय बैठक बालुवाटारमा जारी, नयाँ सभामुखबारे निर्णय हुने
काठमाडौं, असोज २९
सत्तारुढ नेपाल कम्युनिष्ट पार्टी (नेकपा)को सचिवालय बैठक प्रधानमन्त्री निवास बालुवाटारमा बसिरहेको छ ।
बैठकले नयाँ सभामुखको उम्मेदवारीबारे टुंगो लगाउने सचिवालयका एक सदस्यले बताए । नेकपाभित्र सभामुखमा ओनसरी घर्ती, देव गुरुंग, टोपिबहादुर रायमाझीले जोडबल गरिरहेका छन् । जनार्दन शर्मा पनि आकांक्षी हुन् । सभामुख पूर्वमाओवादीको भागमा भएकाले पूर्वएमालेको दाबी भने देखिएको छैन ।
साथै बैठकमा मन्त्रिपरिषद् हेरफेरका विषयमा पनि विस्तृत छलफल भइरहेको छ । बैठकले मंसिर १४ गते हुने उपनिर्वाचनका लागि उम्मेदवारी छनोटको विषयमा पनि औपचारिक छलफल गर्ने छ ।
प्रकाशित मिति: २९ आश्विन २०७६, बुधबार
