किन भेट्दैछन् प्रचण्डले राष्ट्रपतिलार्इ ?
काठमाडाैं, साउन ९
राष्ट्रपति विद्या भण्डारी र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता हुँदैछ । संसदमा अविश्वासको प्रस्तावमाथि मतदानको तयारी भइरहेका बेला राष्ट्रपति भण्डारीले राजनीतिक परामर्श थालेकी हुन् ।
स्रोतका अनुसार राष्ट्रपति भण्डारीले विहान १० बजे भेटका लागि प्रचण्डलाई शीतलनिवासमा बोलाएका छन् । प्रधानमन्त्री केपी शर्मा ओलीविरुद्ध प्रचण्डले नै अविश्वासको प्रस्ताव दर्ता गराएका हुन् । प्रचण्डलाई भावी प्रधानमन्त्रीका रुपमा हेरिएको छ ।
विहान नेपाली कांग्रेसका सभापति शेरबहादुर देउवालाई भेटेकी छन् । शीतल निवासमा भएको भेटमा मुलुकको पछिल्लो राजनीतिक घटनाक्रमबारे छलफल भएको बुझिएकाे छ ।
प्रकाशित मिति: ९ श्रावण २०७३, आइतबार
