संविधान दिवसको अवसरमा प्रदेश १ सरकारबाट तीन जना सम्मानित
विराटनगर, ३ असोज
संविधान दिवस–२०७६ को अवसरमा प्रदेश नं. १ सरकारले तीन जना व्यक्तित्वलाई नगद सहित सम्मान गरेको छ ।
सम्मानितहरु एवं पुरस्कृत हुनेहरुमा राष्ट्रिय गानका रचनाकार व्याकुल माइला (प्रदीपकुमार राई), २४ पटक सगरमाथा आरोहण गर्ने कामिरीता शेर्पा र विश्व अल्ट्राथाबिका मीरा राई हुनुहुन्छ ।
उहाँहरु जनही रु.पाँच लाख नगद सहित सम्मानपत्रबाट सम्मानित हुनु भएको हो । सम्मानित हुने सबै प्रदेश १ का बासिन्दा हुनुहुन्छ ।
प्रदेश १ मा जन्मेर देश तथा विदेशमा नेपालको नाम उच्च राख्न सफल भएका उहाँहरुलाई प्रदेश सरकारले सम्मान गरेको हो ।
प्रकाशित मिति: ३ आश्विन २०७६, शुक्रबार
