३१ जना सिडीओहरुको सरुवा, कसको कहाँ ? (सूचीसहित)
काठमाडौं, भदौ १२
गृह मन्त्रालयले ३१ जना प्रमुख जिल्ला अधिकारी (सिडिओ) को सरुवा गरेको छ । बिहीबार मन्त्रालयले सह सचिव रहने केही जिल्ला र उप सचिव रहने जिल्लाहरुको सिडिओ सरुवा गरेको हो ।
काठमाडौं, ललितपुर, झापा, मोरङ, धनकुटा, मकवानपुर, सुर्खेत लगायतका जिल्लाका प्रमुख जिल्ला अधिकारीहरु सरुवा गरेको हो । काठमाडौंका प्रमुख जिल्ला अधिकारी रामप्रसाद आचार्य गृह मन्त्रालयमा सरुवा भएका छन् ।
उनको ठाउँमा झापाका प्रमुख जिल्ला अधिकारी जनकराज दाहाल आएका छन् । ललितपुरका प्रजिअ प्रेमराज जोशी मकवानपुर सरुवा भएका छन् भने उनको ठाउँमा धादिङका प्रजिअ भगिरथ पाण्डेय आउने भएका छन् ।
मकवानपुरका प्रजिअ आशमान तामाङ धादिङ सरुवा भएका छन् । त्यस्तै काभ्रेका प्रजिअ उदयबहादुर राना झापा सरुवा भएका छन् । धनकुटाका सिडिओ सिताराम कार्की इलाम पुगेका छन् भने मोरङका रमेशी केसी कास्कीमा सरुवा भएको छ । मोरङमा मदन भुजेल सिडिओ भएर आउने भएका छन् ।
प्रकाशित मिति: १२ भाद्र २०७६, बिहिबार
