चार भोजपुरे सम्मानित
काठमाडौँ, जेठ ११
भोजपुर जिल्लामा जन्मिएर राष्ट्रको महत्वपूर्ण पदमा पुगेका चार भोजपुरे व्यक्तित्वहरु भोजपुरे सेवा समाज, काठमाडौँद्वारा सम्मानित भएका छन् । समाजद्वारा राजधानीमा आयोजित कार्यक्रममा सूचना तथा सञ्चार मन्त्री शेरधन राईले उनीहरुलाई सम्मानित गरे ।
यसरी सम्मानित हुनेहरूमा राष्ट्रपतिका अर्थविज्ञ सल्लाहकार धनहर्क राई, प्रधानमन्त्री कार्यालयका सचिव चन्द्रकुमार घिमिरे, रक्षा मन्त्रालयका सचिव महेशप्रसाद दाहाल तथा सशस्त्र प्रहरी बलका महानिरीक्षक दुर्जकुमार राई सम्मानित भएका हुन् । कार्यक्रममा सम्मानित व्यक्तित्वहरुलाई बधाई दिँदै मन्त्री राईले उनीहरुको कार्यकाल पूर्ण सफलताको कामना गरे ।
समाजका अध्यक्ष पासाङदोर्ची शेर्पा, पशुपति पराजुली, देवीप्रसाद घिमिरे लगायतले मन्तव्य राखेका थिए ।
प्रकाशित मिति: ११ जेष्ठ २०७३, मंगलबार
