अनामनगरमा बम बिष्फोटपछि भेटिएको विप्लवको पर्चामा के छ ?

काठमाडौं, जेठ १२

राजधानीको अनामनगरमा भएको विस्फोटस्थलमा नेत्रविक्रम चन्द विप्लवको पर्चा भेटिएको छ। एकजनाको मृत्यु र अर्का एकजना घाइते हुने गरी भएको विस्फोटस्थल लोकमञ्जरी कार्कीको घरमा विप्लवले छाडेको धम्कीपूर्ण भाषाासहितको पर्चा भेटिएको हो ।

उक्त प्रचामा भोलीको बन्द सफल पार्न अपिल गरिएको छ । पर्चामा केही नारासमेत लेखिएको छ । जसमा फासीबादी सरकारको दमन र राज्यआतंकको प्रतिरोध गरौँ, सम्पूर्ण शैक्षिक संस्था, कार्यालय, उद्योग, कलकारखना बन्द गरौँ, सार्वजनिक तथा निजी यातायात, सवारी साधन बन्दको दिन नचलाऔँ र नेपाल बन्दको अवज्ञा गरेको भेटिएका उचित समयमा जनकारबाहीको सामना गर्नुपर्ने छ भन्ने धम्कीपूर्ण सन्देश लेखिएको छ।

यो प्रचा नेत्रविक्रम चन्द विप्लवको उपत्यका ब्यूरोको नाममा जारी गरिएको हो। विप्लवले भोजपुरमा आफ्ना कार्यकर्ता तीर्थराज घिमिरे प्रहरीको गोलीबाट मारिएको विरोधमा बन्द आह्वान गरेको हो।