देउवाले कम्युनिष्ट आउँदा रुन पनि पाइन्न भनेको पुष्टि हुँदै गएको दाबी
काठमाडौं । नेपाली काँग्रेसका पूर्वमहामन्त्री प्रकाशमान सिंहले सभापति शेरबहादुर देउवाले कम्युनिष्ट आउँदा रुन पनि पाइन्न भनेको पुष्टि हुँदै गएको दाबी गरेका छन् ।
काँग्रेसको बुधबारदेखि सुरु भएको राष्ट्रिय जागरणसभालाई काठमाडौंमा सम्बोधन गर्दै सिंहले प्रधानमन्त्रीले विपक्षीलाई होच्याउनु भनेको जनतामाथिको अपमान भएको बताए ।
उनले भने, ‘प्रधानमन्त्रीले विपक्षीलाई होच्यायो । विपक्षीलाई होच्याउनु जनतामाथिको अपमान पनि हो । प्रधानमन्त्रीले जनतालाई अपमान गर्न पाउछन् रु’
उनले कम्युनिस्टको नाम र सिद्धान्तको नै टुंगो नभएको भन्दै सिंहले उनीहरुले नेपाली जनतालाई स्थायी नाम समेत दिन नसकेको थिए । कांग्रेसले गरेका कामलाई समेत ओली सरकारले आफैंले गरेको भन्दै प्रचार गरिरहेको गुनासो गरे ।
उनले पार्टीलाई संस्थागत रुपमा चलाइए कम्युनिस्ट सरकारसँग मुकाविल गर्न सकिने भन्दै स्थानीय निर्वाचन भन्दा पहिले पार्टीको सबै तहको महाधिवेशन गराएर सशक्त बनाउन देउवालाई आग्रह गरे ।
प्रकाशित मिति: २५ बैशाख २०७६, बुधबार
