आज सामान्य हावाहुरी र पानी पर्न सक्ने सम्भावना
काठमाण्डौ । आइतबार देशका केही पहाडी भेगको मौसम आंशिकदेखि सामान्य बदली हुने मौसमविद्ले बताएका छन् ।अरु ठाउँको मौमस भने सामान्यतया सफा रहने मौसमविद् मिनकुमार अर्यालले बताउनुभयो ।
तर मनसुन पूर्वको समय भएकाले बेलुका तिर भने सामान्य हावाहुरी र पानी पर्न सक्ने सम्भावना रहेको मौसमविद् अर्यालले बताउनुभयो । यस्तै केही दिन अलि कम भएको देशको तापक्रम आजदेखि फेरि विस्तारै बढ्न सुरु हुने उहाँको भनाई छ ।
आज काठमाडौको अधिकतम तापक्रम २६ डिग्रि सेल्सियसदेखि २८ डिग्री सेल्सियसको हाराहारीमा रहने पनि उहाँले बताउनुभयो ।
प्रकाशित मिति: २२ बैशाख २०७६, आइतबार