मजदुरले कल्पना समेत नगरेको काम यो सरकारले गरेको छ : ओली

काठमाडौं । प्रधानमन्त्री केपी शर्मा ओलीले अहिलेको सरकारले धेरै काम गरेको बताउनुभएको छ । नेपाल कम्युनिष्ट पार्टीका अध्यक्ष समेत रहनु भएको उहाँले यस अगाडीका सरकारले मजदुरका कल्पना समेत नगरेको काम यस सरकारले गरेको बताउनु भएको हो ।

ज्वाइन्ट ट्रेड युनियन कोअर्डिनेशन सेन्टर जेटियुसिसीले मजदुर दिवसका अवसरमा काठमाडौंमा गरेको कार्यक्रममा प्रधानमन्त्री ओलीले मजदुरको हितको लागि अहिलेको सरकारले जति प्रेम कुनै सरकारले नदेखाएको दाबी गर्नुभएको हो ।

सरकारले बेरोजगार युवाहरूका लागि १०० दिनको कामको व्यवस्था गरेको स्मरण गराउँदै उहाँले त्यो हुन नसके ५० दिनको भत्ता दिने ऐतिहासिक कामको पनि सुरुवात गरेको बताउनु भयो ।