पाथीभरा दर्शनका लागि आएको कार ताप्लेजुङमा दुर्घटना, दुई जना घाइते

ताप्लेजुङ ताप्लेजुङ सदरमुकाम फुङलिङमा आज भएको कार दुर्घटनामा २ जना घाइते भएका छन् ।

बा १२ च ३०० नम्बरको कार दुर्घटना हुँदा ललितपुरको कुसुन्तीका टंक लिम्बू र लिम्बूसँगै सवार रहेका कालीबहादुर तामाङ घाइते भएका हुन् । उनीहरू दुवै जनाको खतरामुक्त अवस्थामा फुङलिङस्थित तमोर अस्पतालमा उपचार भइरहेको जिल्ला प्रहरी कार्यालय ताप्लेजुङले जनाएको छ ।

हेलिप्याड गेट अगाडिबाट अनियन्त्रित भई झरेको कार मेवाखोला हिल रिसोर्टको माथि पर्खालमा गएर अड्किएको छ । दुर्घटनालगत्तै प्रहरी र स्थानीयले उद्धार गरी घाइतेलाई अस्पताल लगेका थिए । घाइते लिम्बू पाथीभरा दर्शनका लागि आएको जानकारी पाएको ताप्लेजुङ प्रहरी प्रमुख तथा प्रहरी नायब उपरीक्षक सञ्जयसिंह थापाले जानकारी दिए ।