टिप्परले मोटरसाइकललाई ठक्कर दिँदा भाेजपुरका एकै परिवारका दाजुभाईको मृत्यु

भोजपुर,फागुन १२

वालुवा वोक्ने टिप्परले साेमबार धादिङकाे भुमेस्थान ९ खयरघारीमा मोटरसाईकललाई ठक्कर दिँदा एक युवकको घटनास्थलमै र एकको उपचारका क्रममा ज्यान गएको छ । ठक्करबाट मोटरसाइकलको पछाडि वसेका भोजपुर होम्तांग-१, लंखा (काब्रे टोल) का २३ वर्षीय सागर राईको घटनास्थलमै मृत्यु भएको प्रहरीले बताएको छ ।

उक्त दुर्घटनामा परी गम्भिर घाईते भएका मोटरसाइकल चालक ३० वर्षीय पुर्ण बहादुर राईलाई उपचारका लागि काठमाण्डौं पठाईएको र उपचारको क्रममा मृत्यु भएको छ । वालुवा वोकेर बैरेनीवाट काठमाण्डौं जादैं गरेको वा ३ ख ७०९५ को टिप्परले काठमाण्डौं जादैं गरेको लु २५ प २३२ को मोटरसाईकललाई पछाडीवाट ठक्कर दिएको थियो । उक्त घटनापछि ठक्कर दिने टिप्पर सहित चालक थाक्रे ४ निवासी नविन थापा लाई प्रहरीले नियन्त्रणमा लिएको छ ।