झापामा चट्याङ लागेर एकको मृत्यु दुईजना घाइते
झापा,चैत्र २३। आज बिहान पानीसँगै परेको चट्याङ लागेर झापामा एकजनाको मृत्यु भएको छ । चट्याङ लागेका दुईजना घाइते भएका छन् ।
मृत्यु हुनेमा मेचीनगर नगरपालिका १५ ज्यामिरगढी निवासी प्रकाश राउत रहेको जिल्ला प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठले जानकारी दिनुभयो ।
मृतक राउतकी श्रीमती सुनिता राउत र उनका भाउजु मञ्जु राउत घाइते भएको प्रहरीले जनाएको छ ।
दुवै जनाको भद्रपुरस्थित ओमसाई पाथिभरा हस्पिटलमा उपचार भइरहेको छ । घाइते तीनैजनालाई उपचारका लागि ओमसाई अस्पताल र्पुयाएकोमा प्रकाशको उपचारको क्रममा मृत्यु भएको डिएपसी श्रेष्ठले बताउनुभयो ।
प्रकाशित मिति: २३ चैत्र २०७५, शनिबार
