दमकमा पत्रकारीता तालिम समापन
प्रदिप दास दमक,चैत्र १६
दमकमा सञ्चालन भएको सात दिने पत्रकारीता तालिम आज सकिएको छ । पत्रकार मञ्च दमकको आयोजना तथा दमक नगरपालिकाको सहयोग भएको सो तालिम एक कार्यक्रमकाबिच सम्पन्न भएको हो ।
पत्रकारीता क्षेत्रमा प्रवेश गर्न चाहाने युवायुवतीलाई लक्षित गरि आयोजना गरिएको तालिममा ३० जनाले सहभागीता जनाएको पत्रकार मञ्च दमकका अध्यक्ष मन कुमार गदालले बताउनुभयो । तालिम १० गतेबाट शुरु भई आज सकिएको हो । तालिममा विभिन्न चर्चित पत्रकारहले सहजीकरण गरेका थिए ।
तालिममा सहभागी प्रशिक्षार्थीको तर्फबाट बोल्दै प्रदिप दासले पत्रकारीता तालिम निकै फलदायि भएको प्रतिक्रिया दिए । कार्यक्रम पत्रकार मञ्च दमकका अध्यक्ष मन कुमार गदालको सभापतित्व र पत्रकार महासंघ प्रदेश एकका अध्यक्ष बिक्रम लुईटेलको प्रमुख आतिथ्यता र देसराज नेम्बाङ्गले सञ्चालन गर्नुभएको थियो ।
प्रकाशित मिति: १६ चैत्र २०७५, शनिबार
