जीपले मोटरसाइकललाई ठक्कर दिँदा दुई घाइते

नरेन इलामेली इलाम – जीपले मोटरसाइकललाई ठक्कर दिँदा दुई जना घाइते भएका छन् । इलाम नगरपालिका ५ गोलाखर्क भञ्ज्याङमा बिहीबार दिउँसो इलामबाट झापाको विर्तामोड तर्फ जाँदै गरेको मे १ ज ४२६ नम्बरको जीपले विपरित दिशाबाट आउँदै गरेको बा ३९ प ५६१० र बा ५८ प ५४९९ नम्बरका दुईवटा मोटरसाइकललाई ठक्कर दिएको थियो ।

दुर्घटनामा परि बा ३९ प ६५१० नम्बरको मोटरसाइकलका चालक इलाम नगरपालिका ९ पिपलबोटेका २१ बर्षिय सविन लिम्बू र बा ५८ प ५४९९ नम्बरको मोटरसाइकलका चालक सोही स्थानका २२ बर्षिय सिद्धीबहादुर लिम्बू घाइते भएका छन् । घाइते दुबैको जिल्ला अस्पताल इलाममा सामान्य उपचार पछि थप उपचारका लागि झापाको विर्तामोड स्थित वि एण्ड सी पठाइएको छ । ठक्कर दिने जीपका चालक देउमाई नगरपालिका ३ का सुजन राउतलाई प्रहरीले नियन्त्रणमा लिएको जिल्ला प्रहरी कार्यालय इलामले जनाएको छ