एकतापछि नेकपालाई कसैले छुन सक्दैन, विप्लव समुहमाथीको प्रतिवन्ध ठिक – झलनाथ खनाल
काठमाडौं, फागुन २९
नेपाल कम्युनिष्ट पार्टीका नेता झलनाथ खनालले पार्टी एकता टुंगिएपछि सशक्त भएर प्रस्तुत हुने बताउनु भएको छ । उहाले तत्काल केन्द्रीय कमिटि भन्दा तल्ला कमिटि नरहेकाले अहिले केही अप्ठेरो देखिएको बताउनु भयो ।
संसद बैठकपछि संचारकर्मीसग कुरा गर्दै उहाले चाडै पार्टी एकता हुने र त्यसपछि नेकपालाई कुसैले छुन नसक्ने बताउनु भयो । ‘तत्काल हामीसग केन्द्रीय कमिटि भन्दा तल संगठन छैन,’उहाले भन्नुभयो,‘केही दिनमै एकता हुन्छ र त्यसपछि नेकपालाई कसैले पनि छुन सक्दैन ।’
उहाले विप्लव समुहलाई प्रतिवन्ध लगाउने निर्णयको पनि समर्थन गर्नुभयो । सरकारले कुनै पनि आतंकी गतिविधि गर्ने समुहलाई सरकारले बन्देज लगाउन सक्ने जिकिर गर्नुभयो ।
प्रकाशित मिति: २९ फाल्गुन २०७५, बुधबार