झापा गोल्डकपको सेमिफाईनलमा थ्रीस्टार र झापा ११ भिड्दै

झापा, फागुन २४

झापाको विर्तामोडमा जारी झापा गोल्डकपमा आज फाइनल प्रवेशका लागि थ्रीस्टार र आयोजक झापा ११ विच प्रतिस्पर्धा हुदैछ ।
विर्तामोडस्थित डोमालाल राजंशी रंगशालामा हुने खेलको विजेताले फाइनलमा स्थान बनाउने छ ।

दुबै टिम प्रतियोगिताको बलियो दावेदार हुन । घरेलु मैदानमा झापा थ्रीस्टारलाई हराउदै फाइनलमा पुग्ने लक्ष्यमा छ भने स्टार खेलाडीले भरिएको थ्रीस्टार उसकै मैदानमा झापालाई स्तब्ध बनाउन चाहन्छ ।

क्वाटरफाइनलमा थ्रीस्टारले नेपाल पुलिस क्लवलाई टाइब्रेकरमा तीन शुन्यले हराएको थियो भने झापाले हङकङ नेप्लिज टिमलाई पाखा लगाएको थियो । आजको विजेताले फाइनलमा दाउफिन्स र त्रिभुवन आर्मी विचको विजेतासँग खेल्नेछ ।