खेलौना बन्दुकले विमान अपहरणको प्रयास गरेको खुलाशा !

एजेन्सी, फागुन १४

बंगलादेशको बिमान अपहरणको प्रयास गर्ने व्यक्तिसँग खेलौना बन्दुक मात्रै भएको खुलासा भएको छ । २५ वर्षीय व्यक्तिलाई प्रहरीले गोली प्रहार गर्दा निजको मृत्यु भइसकेको छ ।

बीरमान एयरलाइन्सको उडान नम्बर बीजी १४७ मा १४८ जना यात्रु रहेका थिए । सो बिमानलाई चटगाउँमा सफलतापूर्वक अवतरण गरिएको थियो ।

अधिकारीहरुले सो व्यक्ति मानसिक रुपले असन्तुलित भएको बताएका छन्् । गएको आइतबार सो व्यक्तिले एक जना क्रू सदस्यलाई बन्धक बनाएर बिमान अपहरणको प्रयास गरेका थिए । उनको नाम मोहम्मद पलास अहमद रहेको बताइएको छ ।

ढाकाबाट दुबईका लागि उडेको बिमान सो व्यक्तिका गतिविधिका कारण आकस्मिक रुपमा अवतरण गराउनु परेको बीबीसीले जनाएको छ ।