साउदी राजकुमारी अमेरिकाका लागि राजदूत बन्दै

काठमाडौं फागुन १२
बाल्यकाल अमेरिकाको वासिंगटन डिसीमा बिताएकी साउदी अरेबियाकी राजकुमारी रमा बिन्ट बान्डर अल–साउद अमेरिकाका लागि राजदूत बन्ने भएकी छिन् । उनको नियुक्तिबारे साउदी राजपरिवारले हिजो शनिबार मात्रै जानकारी गराएको हो ।

यसअघि कुनै पनि साउदी अरेबियाका महिला राजदूतमा नियुक्त भएका थिएनन् । राजपरिवारको यो निर्णयसँगै राजकुमारी रिमा अमेरिकाका लागि साउदी अरेबियाको आउँदो राजदूत बन्ने भएकी हुन् ।

अहिले साउदी अरेबिया र अमेरिकाबीचको सम्बन्ध त्यति सुमधुर छैन । खासगरी पत्रकार जमाल खाशोग्गीको हत्या प्रकरणपछि अन्तर्राष्ट्रियस्तरमा साउदी अरेबियाको आलोचना भइरहेका बेला राजकुमारी रिमाले पाएको यो जिम्मेवारीलाई अर्थपूर्ण रूपमा हेरिएको छ ।