जब मोदीले मजदुरका खुट्टा मिचिमिचि धोइदिए…
काठमाडौँ, फागुन १२
भारतीय प्रधानमन्त्री नरेन्द्र मोदीले मजदुरको खुट्टा मिचिमिची धोइदिएका छन् । मोदीले आइतबार कुम्भमेलामा सफाइ मजदुरहरुको खुट्टा धोइदिएका छन् ।
स्वच्छ कुम्भ स्वच्छ आभार कार्यक्रममा उनले सरसफाइ कर्मचारीहरुलाई सम्मान गरेका हुन् । खानेपानी तथा सरसफाइ मन्त्रालयले गरेको कार्यक्रममा मोदीले दुई जना महिलासहित ५ जनाको खुट्टा धोएका थिए।मोदीले खुट्टा धोए, त्यसपछि पुछे, ढोगे अनि खादा ओढाइदिएका थिए ।
भारतीय जनताले पार्टीले मोदीले सफाइ कर्मचारीहरुको खुट्टा धोएको भिडियो ट्विटरमा हालेर प्रचार गरेको छ। मोदीले नजिकिँदै गरेको आम निर्वाचनलाई लक्षित गरी उक्त कार्य गरेको बुझिएको छ।
प्रकाशित मिति: १२ फाल्गुन २०७५, आइतबार
