जोगबनीबाट छुटेको रेल दुर्घटना , कम्तिमा ७ जनाको मृत्यु
बिराटनगर माघ २०
भारतको विहारमा आइतबार (आज) बिहान रेल दुर्घटना हुँदा कम्तिमा ७ जनाको मृत्यु हुनुका साथै २० जना घाइते भएका छन् । सीमाञ्चल एक्सप्रेस नामको सो रेल विहारको वैशालीमा दुर्घटना भएको हो ।
सो रेल जोगबनी र आनन्दविहार टर्मिनलको बीचमा रहेको थियो । दुर्घटना बिहान ३ः५० बजे भएको बताइएको छ । भारतीय रेलवेले मृतकका परिवारलाई ५ लाख रुपैयाँ दिने घोषणा गरेको छ । रेल लिकबाट बाहिर जाँदा सो दुर्घटना भएको बताइएको छ ।
प्रकाशित मिति: २० माघ २०७५, आइतबार
