बाघको छाला सहित एक जना पक्राउ

रबिन्द्र यादव/नवलपरासी पश्चिम सुर्खेतको विरेन्द्रनगर नगरपालिका वडा नं ३ बाट बाघको छाला सहित कालिकोट जिल्ला घर भएका एक जना पक्राउ परेका छन् । पक्राउ पर्नेमा कालिकोटका बर्ष २९ का टंक प्रसाद उपाध्याय रहेका छन् । सुराकीको अधारमा प्रदेश नं ५ को ब्युरो टोलीले पक्राउ गरेको हो ।

करिब अाइतबार साझ साढे सात बजे कालो व्यागमा सेतो बोरामा राखेर ल्याउदै गरेको उक्त बाघको छाला इन्सपेक्टर बोधराज रेग्मीको नेतृत्वमा रहेको टोलीले चेकजाँचको क्रममा पक्राउ गरेको प्रदेश नं ५ का प्रहरी अनुसन्धान समुहका एक प्रहरी बद्री यादवले जानकारी दिए । दुई वटा चितुवाको छाला रहेको छ । अहिले उपाध्यायलाई प्रहरीले नियन्त्रणमा लिएर थप अनुसन्धान भइरहेको प्रहरीले जनाएको छ ।