भोजपुरमा हिमपात हुँदै
भोजपुर, १३ पुस
भोजपुर जिल्लाको उच्च पहाडी क्षेत्रमा हिमपात भएको छ । जिल्लाको टेम्केमैयुङ गाउँपालिकाको टेम्केमैयुङ डाँडा, टेम्केडाँडा, सुन्तले डाँडा लगायतका ठाउँमा हिमपात भएको हो ।
हिमपातका कारण त्यहाँको जनजीवन प्रभावित भएको छ । पर्यटकीय क्षेत्रमा हिमपात भएपछि होटल व्यवसायी भने खुशी भएका छन् ।
हिमपात भएसँगै आन्तरिक पर्यटन बढेको टेम्केमैयुङ गाउँपालिकाका अध्यक्ष धु्रवराज राईले बताउनुभयो । हिमपातसँगै जाडो बढेपछि स्थानीयवासीको जनजीवन प्रभावित बनेको छ ।
प्रकाशित मिति: १३ पुस २०७५, शुक्रबार
