पेट्रोलियम पदार्थको मूल्य घट्यो, यस्तो छ नयाँ मूल्यसूची
काठमाडौं, पुस ३
नेपाल आयल निगमले पेट्रोलियम पदार्थको मूल्य घटाएको छ । पेट्रोल, डिजेल र मट्टीतेलमा प्रतिलिटर दुईदुई रुपैयाँ घटाईएको निगमले जनाएको छ ।
मंगलबार साँझ बसेको निगमको बैठकले पेट्रोलियम पदार्थको मूल्यमा समायोजन गर्दै नयाँ मूल्य कायम गरेको हो । नयाँ मूल्य अनुसार पेट्रोलको प्रतिलिटर १ सय १० रूपैयाँ कायम भएको छ । यस्तै डिजेल र मट्टितेलको प्रतिलिटर ९७ रुपैयाँ भएको छ ।
भारतीय आयल कर्पोरेसनले पठाएको नयाँ मुल्यसूचीअनुसार नेपाल आयल निगमले नयाँ मूल्य कायम गरेको जनाएको छ । नयाँ मूल्य मंगलबार राति १२ बजेबाट लागू हुने निगमले जनाएको छ ।
प्रकाशित मिति: ३ पुस २०७५, मंगलबार
