पत्रकार महासंघ मोरङलाई दुई लाख सहयोग
मोरङ, मंसिर ११
मोरङको बुढीगंगा गाउँपालिका – १ स्थित आरती स्ट्रिप प्रा.लि.ले नेपाल पत्रकार महासंघ मोरङ शाखाको भवन व्यवस्थित गर्न आज रु दुई लाख आर्थिक सहयोग गरेको छ ।
पत्रकार महासंघको थप पूर्वाधार निर्माणका लागि उद्योग सञ्चालक समितिका उपाध्यक्ष सञ्जिव शर्माले महासंघ मोरङ शाखाका अध्यक्ष बन्धु पोखरेललाई रु दुई लाखको चेक हस्तान्तरण गर्नुभयो ।
महासंघको भवनलाई थप व्यवस्थित गर्न पूर्वाधार निर्माणको काम सुरु गरिएकाले त्यसका लागि सबैलाई सहयोग गर्न आग्रह गरिएको अध्यक्ष पोखरेलले बताउनुभयो ।
प्रकाशित मिति: ११ मंसिर २०७५, मंगलबार
