सन्दीप लामिछाने दिल्ली डेयर डेभिल्सबाटै खेल्ने
काठमाण्डौँ, कात्तिक ३०
आउँदो संस्करणको आईपीएलका लागि दिल्ली डेयरडेभिल्सले नेपालका सन्दीप लामिछानेलाई रिटेन गरेको छ । रिटेन गरिएको पक्का भए पनि कति रकममा सम्झौता भएको भन्ने खुलिसकेको छैन ।
गएको संस्करणमा सन्दीपलाई दिल्लीले २० लाख भारतीय रुपैयाँमा अनुबन्ध गरेको थियो । अक्शन अगावै शिखर धवनलाई सनराइजर्स हैदराबादबाट टिममा भित्राएको दिल्लीले कप्तान गौतम गम्भीर र अष्ट्रेलियाका अलराउण्डर ग्लेन म्याक्सवेललाई टिमबाट मुक्त गरेको छ । यस संस्करणका लागि दिल्लीमा थुप्रै खेलाडी परिवर्तन भएका छन् ।
प्रकाशित मिति: ३० कार्तिक २०७५, शुक्रबार
