अब एसईईको फाराम अनलाइनबाटै

काठमाडौँ, असोज २२

राष्ट्रिय परीक्षा बोर्डले चैतमा हुने एसईईको परीक्षा फाराम अनलाइनबाटै भर्न सकिने व्यवस्था गरेको छ ।  एसईईको परीक्षा आवेदन फाराम र ९ कक्षाका विद्यार्थीको रजिस्टेसन फाराम अनलाइनबाटै विद्यालयले भर्न सक्ने परीक्षा नियन्त्रक रामशरण सापकोटाले बताए ।

आजको कान्तिपुर दैनिकले खबर छापेको छ ।  फारम बोर्डको वेबसाइटमा राखिएको छ । यसअघि विद्यालयले भरेका फाराम जिल्लास्थित शिक्षा, विकास तथा समन्वय इकाइको कार्यालयमा बुझाउनुपर्ने प्रावधान थियो ।