पाँच वर्षीया बालिका बलात्कार गर्ने कर्मचारी पक्राउ

काठमाडौं, असोज १२
घरमा खेलिरहेकी पाँच वर्षीया बालिकालाई बलात्कार गरि फरार रहेका एक कर्मचारीलाई प्रहरीले पक्राउ गरेको छ । दो

लखाको तामाकोशी गाउँपालिकाकी ५ बर्षीया बालिका बलात्कार गरी फरार रहेका खानेपानी तथा सरसफाई डिभिजन कार्यालयका कर्मचारी कमल बजगाईलाई प्रहरीले काठमाडौंबाट पक्राउ गरेको हो । नयाँ पत्रिकामा खबर छ ।

उनी गत भदौ २१ गते घरमै खेलिरहेकी बालिकालाई बलात्कार गरेर फरार भएका थिए । बालिकाको स्वास्थ्य परीक्षणबाट बलात्कार पुष्टि भईसकेको छ ।

तर, फरार रहेका बजगाईले विभिन्न ब्यक्ति प्रयोग गरी बलात्कारको मुद्धा फिर्ता गराउन र पैसा दिएर मिलाउन पीडित परिवारलाई ठुलो दबाब दिँदै आएका थिए ।