बलात्कार आरोपमा दुलाहा पक्राउ
दोलखा, असोज १०
बलात्कार आरोपमा दोलखाको भीमेश्वर नगरपालिकामा एक दुलाहा विहेको कार्यक्रमबाटै पक्राउ परेका हुन् ।
विवाह संस्कारअनुसार दुलाहा र दुलहीलाई घरमा भित्र्याउने तयारी गर्दागर्दै भीमेश्वरको जिलुमा बलात्कार आरोपमा दुलाहा पक्राउ परेका हुन् ।
पहिले विहे गर्छु भन्दै आफूलाई बलात्कार गरेको भन्दै एक स्थानीय १६ वर्षीया किशोरीले उजुरी दिएपछि अर्की एक युवतीलाई घर भित्र्याउनै लागेका शान्ति चौलागाईलाई प्रहरीले पक्राउ गरेको हो । कान्तिपुरमा खबर छ ।
कक्षा १२ पढ्दै गरेकी किशोरीले सात कक्षामा अध्ययन गर्दादेखि नै शान्तिले विहे गर्ने आश्वासन दिँदै आएको आरोप लगाएकी छन् ।
प्रकाशित मिति: १० आश्विन २०७५, बुधबार
