कक्षा १२ को नतिजा प्रकाशित

काठमाडौं, असोज २०

उच्च माध्यामिक शिक्षा परिषदले कक्षा १२ को नतिजा प्रकाशित गरेको छ । परिषदले गएको जेठ–असारमा सञ्चालित कक्षा १२ अन्तर्गत मानविकी, व्यवस्थापन र शिक्षा संकायको नजिता बुधबार प्रकाशित गरेको हो ।

प्रकाशित नतिजा अनुसार नियमित तर्फ ३९ दशमलव ९९ प्रतिशत विद्यार्थी उत्तिर्ण भएका छन् । नियमित तर्फ एक लाख ६१ हजा ४ सय ५८ जना विद्यार्थी सहभागी भएका थिए । यसमध्ये ६४ हजार ५ सय ६७ जना उत्तीर्ण भएको परिषदले जनाएको छ ।

नियमित तर्फ एक सय २१ जनाको परीक्षा रद्द गरिएको र दुई जनाको नतिजा स्थगित भएको छ । यस्तै आंशिक तर्फ एक लाख ३९ हजार ८ सय जना विद्यार्थी मध्ये ४१ हजार ९ २६ जना उत्तीर्ण भएका छन् ।

विज्ञान संकायको नतिजा भने गएको भदौ ११ गते नै प्रकाशित गरेको थियो । एउटा विषय मात्रै लागेकाको मौका परीक्षा आउँदो कात्तिक २१ हुने परिषदले जनाएको छ ।