बाख्रा फर्ममा सुतिरहेका बेला सर्पको टोकाइबाट मृत्यु
धनगढी, भदौ २८
कैलालीको गौरीगंगा नगरपालिकामा बाख्राको खोर भित्रै सुतिरहेका बेला बुधबार राति सर्पको टोकाइबाट एक जनाको मृत्यु भएको छ ।
घरभन्दा केही टाढा रहेको बाख्रा फर्ममा सुतिरहेको बेला गौरीगंगा नगरपालिकामा वडा नम्बर ६ का ५५ वर्षीय झंकर साउँदको मृत्यु भएको हो ।
राति ११ बजेको समयमा सर्पले टोकेका साउँदको उपचारका लागि सेती अञ्चल अस्पताल धनगढी पुरयाउने वित्तिकै मृत्यु भएको हो ।
सर्पले टोकेपछि उपचारका लागि मसुरियास्थित नेपाली सेनाको उपचार केन्द्रमा लिइएपनि त्यहाँ उपचार सम्भवन नभएपछि आज विहान मात्रै सेती अञ्चल अस्पताल ल्याइएको थियो ।
साउँदको सर्पले हातको दाँया औंलामा टोकेको थियो । उनका दुई श्रीमती, दुई छोरा र ६ छोरी छन् ।
प्रकाशित मिति: २८ भाद्र २०७५, बिहिबार