कुकुर कुट्दा दुई युवा जेल चलान !
काठमाडौं, भदौ २६
कुकुर कुट्दा बनेपाका दुई युवा जेल परेका छन् । कुकुर कुटेकै अभियोगमा म्याद थप गरी मुद्दा चलाइएको छ ।
बनेपा–७ का संविधानबहादुर जोशीको कुकुर कुट्ने र धम्क्याउने दुई युवालाई पक्राउ गरी प्रहरीले मुद्दा चलाएको हो । सम्भवत यो पहिलो घटना हो । राजधानीमा खबर छ ।
घर पालुवा जनावर कुटेको उजुरी इलाका प्रहरी कार्यालयले दर्ता गरेपछि खानीखोला गाउँपालिका ७ घर भई हाल बनेका बस्दै आएका १९ वर्षीइ सुरेश ब्लोन र धुलिखेल १ का २८ वर्षिय राज लामामाथि मुद्दा चलाइएको हो ।
उनीहरुले जोशीको घरमा बाँधेर राखिएका कुकु टमी र कालीलाई रडले हानेर खुट्टा भाँचिदिएका थिए । सन्तानझैं माया गरेर पालेका कुकुरलाई कुटपिट गरेको जोशीले प्रहरीमा दिएको उजुरीमा उल्लेख छ ।
प्रकाशित मिति: २६ भाद्र २०७५, मंगलबार
