संसदमा पुग्ने बामदेवको योजना असफल
काठमाडौं, भदौ २६
नेकपाका नेता बामदेव गौतमको सांसद बन्ने योजना असफल जस्तै बनेको छ । डोल्पाका निर्वाचित सांसदलाई राजीनामा दिन लगाएर उपनिर्वाचनमार्फत सांसद बन्ने योजना असफल हुन लागेको हो ।
सो निर्वाचन क्षेत्रबाट विजयी पर्यटन राज्यमन्त्रीसमेत रहेका सांसद धनबहादुर बुढाले राजीनामा दिन अस्वीकार गरेका छन् । नयाँ पत्रिकामा खबर छ ।
सांसद बुढा सुरुमा राजीनामा दिएर वामदेवका लागि ठाउँ खाली गर्न सकारात्मक देखिएपनि मतदाताका दवावका कारण प्रस्ताव अस्वीकार गर्ने योजनामा पुगेका हुन् । उनी वामदेवको पक्षमा माहोल बनाउने’ भन्दै जिल्ला पनि गएका थिए ।
पछिल्लो समय बुढाले राजीनामा दिनैपरे पनि फागुन–चैततिर मात्रै उपयुक्त वातावरण बन्ने सुनाउन थालेको नेकपाका एक नेताले बताए ।
प्रकाशित मिति: २६ भाद्र २०७५, मंगलबार
