मोटरसाइकलको ठक्करबाट पैदलयात्रीको मृत्यु
मोरङ, भदौ १७
मोटरसाइकलको ठक्करबाट मोरङको पथरीशनिश्चरे नगरपालिका–२ स्थित पूर्व–पश्चिम राजमार्गमा गए राति एक पैदलयात्रीको मृत्यु भएको छ ।
पूर्वबाट पश्चिमतर्फ जाँदै गरेको को३प ७९०९ नं को मोटरसाइकलले ठक्कर दिँदा तेह्रथुमको लालीगुँरास नगरपालिका–२ का ५५ वर्षीय उद्धव मोतेको मृत्यु भएको हो ।
दुर्घटनामा गम्भीर घाइते भएका मोतेलाई उपचारका लागि स्थानीय पथरी अस्पतालमा पुर्याउँदै गर्दा मृत्यु भएको प्रहरीले जनाएको छ । मोटरसाइकल र चालकलाई प्रहरीले नियन्त्रणमा लिएको छ।
प्रकाशित मिति: १७ भाद्र २०७५, आइतबार
