पेस्तोल देखाएर रकमसहित सुन लुट्ने पक्राउ

विराटनगर, भदौ १६
सुन पसलमा पेस्तोल देखाएर लुटपाट गर्ने एकजनालाई प्रहरीले पेस्तोलसहित पक्राउ गरेको छ ।

प्रहरीले भोजपुर जिल्ला दिङ्ला–२ घर भई हाल धरान उपमहानगरपालिका–१५ मा डेरा गरी बस्ने ३२ वर्षीय रोशन भन्ने गोपाल दहाल (विक) लाई पक्राउ गरेको हो ।

सुन्दर हरैचा नगरपालिका–१० विराटचोकमा रहेको थापा सुनचाँदी पसलमा पेस्तोल देखाई रकम तथा सुन लुटेर भाग्न दाग्दा उनलाई पक्राउ गरेको जिल्ला प्रहरी कार्यालयले जनाएको छ ।

उनले पसलबाट ९.७७ ग्रामको सुनको ब्रासलेट लुटी भाग्न लाग्दा बेलबारी इलाका प्रहरी कार्यालयबाट खटिएको प्रहरी निरीक्षक रामकुमार राईको नेतृत्वको टोलीले स्वचालित पेस्तोल, दुई राउण्ड गोली, सुनको ब्रासलेटसहित पक्राउ गरेको छ।