बिमस्टेक सम्मेलनः १७ हजार सुरक्षाकर्मी खटाइने, यस्तो हुनेछ सुरक्षा घेरा
काठमाडौं, भदौ १२
बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) सम्मेलनको सुरक्षाका लागि १७ हजार सुरक्षाकर्मी खटाइएने भएको छ । जसको नेतृत्व नेपाली सेनाले गर्ने भएको छ ।
सरकारले सेनाको कमान्डमा सम्मेलन सुरक्षाका लागि सम्पूर्ण सुरक्षा संयन्त्र प्रयोग गर्ने योजना बनाइसकेको छ । नयाँ पत्रिकामा खबर छ ।
गृह मन्त्रालयका प्रवक्ता सहसचिव रामकृष्ण सुवेदीको संयोजकत्वमा एकीकृत सुरक्षा योजना बनाएको सरकारले सेना, नेपाल प्रहरी, सशस्त्र प्रहरी र राष्ट्रिय अनुसन्धान विभागका गुप्तचरलाई परिचालन गर्नेछ ।
सुरक्षाका लागि अन्य सुरक्षा एजेन्सी पनि परिचालित हुनेछन् । सेना, प्रहरी र सशस्त्रका ‘इन्टेलिजेन्स’ टोली पनि सादा पोसाकमा खटिनेछन् ।
यसबाहेक भिभिआइपीले आफूसँगै ल्याउने सुरक्षाकर्मी पनि खटिनेछन् । उनीहरू हतियारसहित हुनेछन् । तर, नेपाली सुरक्षाकर्मीकै योजनाअनुसार परिचालित हुन्छन् ।
प्रकाशित मिति: १२ भाद्र २०७५, मंगलबार
