दुई वृद्धवृद्धा मृत फेला
सुर्खेत, भदौ ४
सुर्खेतमा दुई दिनमा एक वृद्ध र एक वृद्धा मृत फेला परेका छन् । यही भदौ २ र ३ गते दुईजना वृद्ध, वृद्धा मृत अवस्थामा फेला परेका हुन् ।
गुर्भाकोट नगरपालिका–३ डोबगाउँमा बस्ने ७५ वर्षीय काली बाँठा मगर र ३५ वर्षदेखि सुर्खेत देउती बज्यै मन्दिर आसपास बस्दै आएका नाम बतन नभएका नाति भन्ने नामले चिनिने ७५ वर्षीय वृद्ध मृतावस्थामा फेला परेको जिल्ला प्रहरी कार्यालय सुर्खेतले जनाएको छ ।
मृतक बाँठा मगर गुर्भाकोटको हिले स्वास्थ्य चौकीमा १ गते उपचार गरी फर्केको र २ गते अपराह्न ४ बजेतिर सो नगरपालिकाको आँखा रिग्ने भन्ने जङ्गलमा मृत भेटिएको सुर्खेतका प्रवक्ता श्यामसिंह चौधरीले जानकारी दिनुभयो ।
दुवै जनाको मृत्युको कारणबारे थप अनुसन्धान भइरहेको प्रहरीले जनाएको छ । रासस
प्रकाशित मिति: ४ भाद्र २०७५, सोमबार
