डुबेर बालिकाको मृत्यु
झापा, साउन १६
झापाको मेचीनगर नगरपालिका – ७ सतिघट्टास्थित पैनीमा डुबेर आज एक वर्षीया बालिकाको मृत्यु भएको छ । स्थानीय संजु दर्जीको एक वर्षकी छोरी नेत्रकुमारी दर्जीको घर नजिकै पैनीमा डुबेर मृत्यु भएको प्रहरी चौकी सतिघट्टाले जनाएको छ ।
दिउँसो २ बजे घर पछाडी खेल्दै गरेकी बालिकालाई स्थानीयबासीले पैनीमा डुबेको अवस्थामा फेला पारेपछि प्रहरीलाई खबर गरेका थिए । घटना सम्बन्धमा इलाका प्रहरी कार्यालय काकडभिट्टाबाट अनुसन्धान भईरहेको छ ।
प्रकाशित मिति: १६ श्रावण २०७५, बुधबार
