इराकको सबैभन्दा ठूलो मतपत्र भण्डारण केन्द्रमा आगलागी
![](https://www.deshkonews.com/wp-content/uploads/2018/06/Ballot_Box_Iraq.jpg)
इराक, जेठ २८
इराकको सवैभन्दा ठूलो मतपत्र भण्डारण गृहमा आइतबार आगलागी भएको छ । उक्त केन्द्रमा पूर्वी बग्दादका जिल्लाहरूका मत्रपत्रहरू भण्डारण गरिराखिएको थियो ।
इराकको संसदले निर्देशन गरी उक्त क्षेत्रको मतपत्र पुनः गणना गर्न भनेको थियो । तर त्यस अगाबै भएको आगलागीबाट कति क्षति भयो भन्नेबारे बिस्तृत विवरण आइसकेको छैन ।
इराकी अधिकारीका अनुसार आगलागीको कारण तत्कालै थाहा हुननसकेको बताएका छन् । गत मे १२ मा व्यवस्थापिकाका लागि भएको निर्वाचनमा उक्त क्षेत्रबाट प्रजातान्त्रिक व्यवस्थाको वकालत गर्दै आएका सिया धर्मगुरू मोकतादा सादरले अनपेक्षित विजय हाँसिल गर्नुभएको थियो । उहाँमाथि निर्वाचनमा छलकपट गरिएको आरोप अन्य समूहले गरेका छन् । रासस÷एएफपी
प्रकाशित मिति: २८ जेष्ठ २०७५, सोमबार