साथीभाईकै कुटाईबाट मलेसियामा एक नेपालीको मृत्य
काठमाडौं, जेठ १८
रोजगारीका क्रममा मलेसिया पुगेका एक नेपालीको कुटपिटबाट मृत्यु भएको छ । पर्वतको मोदी गाउँपालिका–५, बाजुङ, धमिलपानी गाउँका २२ वर्षीय किशोर केसीको नेपाली युवाहरुको कुटाईबाटै मृत्यु भएको हो ।
कुटपिटबाट पेटमा गहिरो चोट लागेको केसीको अस्पतालमा उपचारको क्रममा एक सातापछि मृत्यु भएको हो । मृतकको शव नेपाल ल्याउने तयारी गरिएको छ । उनी २० महिना अघि रोजगारीका लागि मलेसिया पुगेका थिए ।
घरका कान्छा छोराको विदेशमा मृत्यु भएपछि उनकी आमा अर्धचेत अवस्थामा रहेकी छिन् । कुटपिट गरेर हत्या गर्ने चारै जनालाई प्रहरीले नियन्त्रणमा लिएको छ ।
प्रकाशित मिति: १८ जेष्ठ २०७५, शुक्रबार
