ओली र प्रचण्डबीच भेटवार्ता, अझै तोकिएन मिति
काठमाडौँ, वैशाख २०
एमाले र माओबादी केन्द्रबीच पार्टी एकीकरणका विषयमा छलफल गर्न आज एमाले अध्यक्ष एवं प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ ।
प्रधानमन्त्री निवास बालुवाटारमा भएको भेटवार्ताबाट अझै पार्टी एकता गर्ने मितिको टुंगो लगाइएन ।
वैशाख भित्रै पार्टी एकता गर्ने उद्घोष गरेका दुई दलका नेताहरुले अझै पनि मिति तोक्न नसकेका हुन् । बैठकमा के विषयमा छलफल भयो भन्ने कुरा सार्वजनिक गरिएको छैन ।
प्रकाशित मिति: २० बैशाख २०७५, बिहिबार
