गाडी भाडा घट्यो
काठमाडौं, भदौ २३
सार्वजनिक गाडीको भाडा घटेको छ । सरकार र यातायात व्यवसायीबीच बुधबार भएको छलफलमा वैज्ञानिक भाडादर लागु गर्ने सहमति भएपछि गाडी भाडा घटेको हो ।
घटेको भाडादर अनुसार अब काठमाडौंमा न्युनतम भाडा १३ रुपैयाँ कायम भएको छ । यस्तै यात्रुबाहक बसको अहिले कायम भएको भाडामा २ दशमलव २२ प्रतिशतले घटेको छ ।
तराईमा चल्ने मालबहाक ट्रकको ३ दशमलव २४, काठमाडौं, पोखरा, नारायणगढ चल्ने ट्रकको ३ दशमलव १० र मिटर जडित ट्याक्सीको भाडा १ दशमलव ६३ प्रतिशत घटेको छ ।
घटेको भाडादर यातायात व्यवस्था विभागले सार्वजनिक सूचना जारी गरेको दिनदेखि लागु हुनेछ । पेट्रोलियम पदार्थको भाउ घटेपछि यातायात व्यवसायीलाई पनि गाडी भाडा घटाउन दबाब पर्दै आएको थियो ।
प्रकाशित मिति: २३ भाद्र २०७२, बुधबार
