आज दिनभर देशमा कहाँ के भयो ? (हेर्नुहोस् सबै विवरण)

पेस्तोल र गोली सहित पक्राउ
काठमाडौं, बैशाख ८
काठमाडौं ठमेल ज्याठावाट बारा निजगढ वस्ने मकवानपुर हेटौंडा ९ का २० वर्षीय पुकार शिकारीलाई मेड इन यूएसए लेखिएको १ थान पेस्तोल र म्यागजिनमा लोड गरेको ५ राउण्ड गोली सहित महानगरीय प्रहरी वृत्त दरवारमार्गको प्रहरीले शनिबार पक्राउ गरेको छ । यस सम्बन्धमा प्रहरीबट थप अनुसन्धान भइरहेको छ ।

अवैध रूपमा ल्याएको सामान सहित पक्राउ
काठमाडौं, ८ बैशाख
काठमाडौं : त्रिभुवन अन्तराष्ट्रिय बिमानस्थल गौचरणमा दुबईबाट शाही दुबाईको एफजेड(५७५ नम्बरको उडानबाट नेपाल आएका राहदानी नम्बर जे९७७३००४ वाहक भारतीय नागरिक ३० वर्षीय महेश रामचन्द्र देवकालाई कपडाको पेटीमा लुकाई छिपाई ल्याएको पहेलो सुनजस्तो देखिने धातु करिव २ हजार ७ सय ग्राम सहित शुक्रबार प्रहरीले पक्राउ गरेको छ ।

धनुषा : जनकपुर उपमहानगरपालिका २४ स्थित सडकमा ज८ प ९९६० नम्बरको मोटरसाइकलमा सवार सर्लाही संग्रामपुर नगरपालिका ६ बस्ने ३० वर्षीय सन्देश मण्डल र धनुषा सहिदनगर नगरपालिका ६ बस्ने २१ वर्षीय रंजित मुखियालाई अवैध रुपमा साथमा लिई हिँडिरहेको ९ केजी ८ सय ग्राम चाँदी र उक्त मोटरसाइकल सहित शुक्रबार प्रहरीले पक्राउ गरेको छ ।
घटनाका सम्वन्धमा स्थानीय प्रहरीले थप अनुसन्धान गरिरहेको छ ।

चोरी गरी ल्याएको सामान सहित पक्राउ
काठमाडौं, ८ बैशाख
काठमाडौं महानगरपालिका(१४ कलंकी बस्ने सविन शाक्य लगायत ३ जनालाई चोरी गरी ल्याएको सामान बेचिरहेको अवस्थामा शुक्रबार प्रहरीले पक्राउ गरेको छ ।
काठमाडौं महानगरपालिका(१२ टेकु डेरा गरी बस्ने ५० वर्षीया सिता कार्कीको कोठामा कोही नभएको अवस्थामा ताला फोडेर कोठामा रहेको नगद ४ सय ६०, चाँदीका गरगहना र मोबाइल २ थान चोरी भएको भन्ने खबर प्राप्त हुनासाथ महानगरीय प्रहरी बृत्त कालीमाटीबाट खटी गएको प्रहरीले खोजी गर्ने क्रममा उक्त सामान सहित उनीहरुलाई फेला पारी पक्राउ गरेको हो ।
यस सम्वन्धमा प्रहरीले थप अनुसन्धान गरिरहेको छ ।

सवारी दुर्घटनामा मृत्यु तथा घाइते
काठमाडौं, ८ बैशाख
डोल्पा : त्रिपुरासुन्दरी नगरपालिका(५ करबगार्डमा लु।१ च ५४६६ नम्बरको जिप शनिबार दुर्घटना हुँदा जिपमा सवार रुकुम आठबिसकोट नगरपालिका(९ बस्ने ६० वर्षीया रामकला जैसीको घट्नास्थलमै मृत्यु भएको छ । जिप चालक दैलेख चामुण्डा बिन्दासैनी नगरपालिका(९ बस्ने २४ वर्षीय वीरबहादुर थापा समेत ३ जना गम्भीर घाइते भएकोले उपचारको लागि रुकुमको राडीतर्फ पठाइएको छ ।

सिराहा : मिर्चैया नगरपालिका(९ घुर्मीस्थित सडकमा मे।१ ख १८८९ नंम्बरको ट्रकले स।७ प ४१२४ नम्बरको मोटरसाइकललाई शुक्रबार ठक्कर दिंदा गम्भीर घाइते भएका मोटरसाइकल चालक सोही नगरपालिका(७ फुलबरिया बस्ने २२ वर्षीय जितेन्द्र शर्माको स्थानिय रेखा नर्सिङ होम मिर्चैया हुँदै थप उपचारको लागि बिराटनगर न्युरो अस्पतालतर्फ लैजाँदै गर्दा बाटोमै मुत्यु भएको छ । ट्रक, ट्रक चालक र मोटरसाइकल प्रहरीले नियन्त्रणमा लिएको छ ।

कैलाली : लम्कीचुहा नगरपालिका(२ मोतीपुर रोरापुरस्थित पूर्व(पश्चिम राजमार्गमा से।४ प ४८९० नम्बरको स्कुटरले साईकल यात्री सोही नगरपालिका(२ बगनिया बस्ने १७ वर्षीया गिता राहुललाई शुक्रबार ठक्कर दिंदा भएको दुर्घटनामा गम्भीर घाइते भएकी स्कुटरमा सवार चालककी जेठीआमा ५० वर्षीया जलधारा बमको उपचारको लागि टिकापुर अस्पतालतर्फ लैजाँदै गर्दा बाटोमै मृत्यु भएको छ । गितालाई थप उपचारको लागि कोहलपुर र स्कुटी चालक घोडाघोडी नगरपालिका(१ बस्ने २२ वर्षीय लोकराज बमको लालरत्न अस्पतालमा उपचार भइरहेको छ ।

बर्दिया : राजापुर नगरपालिका(८ स्थित राजापुर(गुलरिया सडक खण्डमा राजापुरबाट काठमाडौंतर्फ आउँदै गरेको ना।७ ख ९०५ नम्बरको बसले शुक्रबार ठक्कर दिँदा गम्भीर घाइते भएकी पैदलयात्री सोही ठाउँ बस्ने ११ वर्षीया बबिता शाहीको प्राथमिक स्वास्थ्य केन्द्र राजापुरमा उपचारको क्रममा मृत्यु भएको छ । उक्त बस प्रहरीको नियन्त्रणमा छ भने हाल फरार रहेका चालकको खोजी कार्य भइरहेको छ । घटनाका सम्वन्धमा स्थानीय प्रहरीले थप अनुसन्धान गरिरहेको छ ।

धारिलो हतियार प्रहारबाट मृत्यु
मोरङ, ८ बैशाख
सुनवर्षी नगरपालिका(७ मलदैया टोल बस्ने ताइफुर मियाको छोरी १३ वर्षीया अफ्सना खातुनको धारिलो हतियार प्रहारबाट मृत्यु भएको छ ।

शुक्रबार घाँस काट्न गएको अवस्थामा साँझसम्म घर नफर्के पश्चात खोजी गर्ने क्रममा घरबाट करीव ५ सय मिटर उत्तर मकैबारीमा हतियार प्रहारबाट मृत्यु भएको अवस्थामा उनलाई फेला पारिएको हो । यस सम्वन्धमा प्रहरीले आवश्यक अनुसन्धान गरिरहेको छ ।

मृत अवस्थामा फेला
काठमाडौं, ८ बैशाख
गोरखा : धार्चे(३ तातोपानीस्थित तातोपानी गेष्ट हाउसमा गत चैत ३० गतेदेखि बास्दै आएका विदेशी नागरिकको गाईड काम गर्ने गोरखा अजिरकोट(३ बस्ने ४३ वर्षीय संसार गुरुङग धार्चे गाउँपालिका(७ खानीबेसी बुढीगण्डकी नदीको किनारमा शनिबार मृत अबस्थामा फेला परेका छन् ।

कास्की : पोखरा लेखनाथ महानगरपालिका(१२ सितलादेवी बस्ने ५६ वर्षीय थनबहादुर गुरुङ आफ्नै घरको शौचालयमा शुक्रबार मृत अबस्थामा फेला पलेका छन् ।

रूपन्देही : सिद्धार्थनगर नगरपालिका(११ सिसुवा बस्ने १९ वर्षीय लक्ष्मण बानियाँ आफ्नै चिया पसलमा शुक्रबार मृत अवस्थामा फेला परेका छन् । घटनाका सम्वन्धमा स्थानीय प्रहरीले आवश्यक अनुसन्धान गरिरहेको छ ।

पानीमा डुबेर मृत्यु तथा वेपत्ता
काठमाडौं, ८ बैशाख
बाँके : बैजनाथ गाउँपालिका(६ स्थित मानखोलामा पौडी खल्ने क्रममा शनिबार अचानक डुबेका सोही ठाउँ बस्ने तिलक खड्काको छोरा १२ वर्षीय सन्तोष खड्का र कर्णबहादुर बस्नेतको छोरा १३ वर्षीय चन्द्रबहादुर बस्नेतको प्रहरी र स्थानियको सहयोगमा उद्धार गरी उपचारको लागि मेडिकल कलेज कोहलपुर लगिएकोमा उपचारको क्रममा दुबैजनाको मृत्यु भएको छ ।

कास्की : पोखरा लेखनाथ महानगरपालिका(१७ फेवा पावरहाउसस्थित फुस्रे खोलाको पुलमुनी पौडी खेल्ने क्रममा सोही महानगरपालिका(८ नागढुङ्गा बस्ने १४ वर्षीय सुबत साहको शुक्रबार पानीमा डुबेर मृत्यु भएको छ ।

जाजरकोट : भेरी नगरपालिका(१२ बस्ने मोतीराम बुढाको छोरा ५ वर्षीय प्रकाश बुढाको शुक्रबार भेरी नदीमा डुबेर मृत्यु भएको छ । उक्त नदीमा पौडी खेल्ने क्रममा अचानक डुबेपछि स्थानियले उद्धार गरी उपचारको लागि मिशन अस्पताल चौरदारी रुकुमतर्फ लैजाने क्रममा उनको मृत्यु भएको हो ।

धादिङ : सिद्धलेक गाउँपालिका(४ आरुबासटारस्थित त्रिशुली नदीमा पौडी खेल्ने क्रममा सोही गाउँपालिका(३ कपानी बस्ने १६ वर्षीय शिव बिशुंखे शुक्रबार नदीमा डुवेर बेपत्ता भएका छन् । प्रहरी, आफन्त र स्थानियको सहयोगमा उनको खोजी भइरहेको छ । घटनाका सम्वन्धमा स्थानीय प्रहरीले आवश्यक अनुसन्धान गरिरहेको छ ।

वेहोस भएर मृत्यु
नबलपरासी (बर्दघाट सुस्ता पश्चिम), ८ बैशाख
कर्तव्य ज्यान मुद्दामा २०७३ जेठ २ गते अदालतबाट २० बर्ष कैद फैसला भई रामग्राम नगरपालिका(१२ स्थित कारागारमा सजाय भोगी रहेका सुस्ता गाउँपालिका(१ फेचुहा बस्ने ७० वर्षीय गंगाराम बिकको शनिबार वेहोस भएर मृत्यु भएको छ । अचानक वेहोश भएका उनलाई उपचारको लागि तत्कालै पृथ्वीचन्द्र अस्पताल परासी लगिएकोमा उपचारको क्रममा मृत्यु भएको हो ।

घरको छतबाट लडेर मृत्यु
काठमाडौं, ८ बैशाख
काठमाडौं महानगरपालिका‍(१६ बनस्थली बस्ने गोरखाका ३८ वर्षीय गोपाल पन्तको आफ्नै घरको छतबाट लडेर मृत्यु भएको छ । हाल बनस्थलीमा निर्माण हुँदै गरेको दुईतले घरको छतबाट शुक्रबार खस्दा गम्भीर घाइते भएका उनको मनमोहन अस्पताल स्वयम्भुमा उपचारको क्रममा मृत्यु भएको हो । यस सम्वन्धमा प्रहरीले आवश्यक अनुसन्धान गरिरहेको छ ।

भिरबाट लडेर मृत्यु
रूकुम पुर्व, ८ बैशाख
सिस्ने गाउँपालिका(२ सल्लेबिसौनास्थित नाईगारबाट चारगाउँ जाने बाटोको भिरबाट लडेर पुठ्ठा उत्तरगंगा गाउँपालिका(४ बस्ने ५१ वर्षीय गोपालजंग बिकको शुक्रबार घटनास्थलमै मृत्यु भएको छ ।
यस सम्वन्धमा प्रहरीले आवश्यक अनुसन्धान गरिरहेको छ ।

आगलागीमा परी मृत्यु तथा धनमाल क्षति
काठमाडौं, ८ बैशाख
मकवानपुर : कैलाश गाउँपालिका(१ खोलाखर्क बस्ने कुमार गुरुङको फुसको छानो भएको घरमा शनिबार चुलोबाट आगलागी हुँदा गुरुङको ६ महिनाको छोरा सुजन गुरुङको आगोले जलेर मृत्यु भएको छ । आगलागीबाट नगद ६ हजार, घर, अन्नपात लत्ताकपडा, भाडाबर्तन गरी करीव ३ लाख ५१ हजार रूपैयाँ बराबरको धनमाल जलेर क्षति भएको छ । कुमार र उनकी श्रीमती खेतमा काम गर्न गएको अबस्थामा आगलागी भएको बताइएको छ ।

काठमाडौं : गोकर्णेश्वर नगरपालिका(४ स्थित लामा पेट्रोल पम्प नजिक बस्ने निरबहादुर कार्कीको धागोको ड्याङ कारखानामा शुक्रबार राति करेन्ट सर्ट भई आगलागी हुँदा धागो र धागो बनाउने कच्चा पदार्थ जल्दा करीव ८० लाख रुपैयाँ बराबरको धनमाल जलेर क्षति भएको छ ।

रौतहट : राजदेवी नगरपालिका(५ पताही बस्ने भागिरथ राउतपटेल लगायत ८ जनाको घर तथा फर्निचरमा शुक्रबार आगलागी हुँदा ४ फुसका घर, ३ फर्निचर, १ गोठ, २ बाख्रा र सबैजनाको अन्नपात, लत्ताकपडा, भाडाबर्तन गरी करीव १२ लाख रूपैयाँ बराबरको धनमाल जलेर क्षति भएको छ ।
प्रहरी, स्थानियबासी र दमकलको सहयोगमा आगो नियन्त्रणमा लिइएको छ । घटनाका सम्वन्धमा स्थानीय प्रहरीले आवश्यक अनुसन्धान गरिरहेको छ ।