त्रिभुवन विमानस्थलमा फेरि विमान दुर्घटना, उडान अवरुद्ध
काठमाडौं, वैशाख ७
विहीबार राति काठमाडौंबाट मलेसियाको क्वालालम्पुरतर्फ उड्न लागेको मालिन्दो एयरको जहाज रनवेबाट चिप्लिएर चौरमा भासिएपछि उडान अवतरण ठप्प भएको हो ।
जहाज दुर्घटना भएपछि नेपालको एकमात्र अन्तर्रा्ष्ट्रिय त्रिभुवन विमानस्थल शुक्रबार बिहान पनि अवरुद्ध भएको हो । दुर्घटनामा मानवीय क्षति भने भएको छैन ।
विदेशबाट यात्री लिएर आएका विमानहरु अवतरण गर्न नसकेपछि फर्काइएका छन् । तर, विमान नहटाइएसम्म अन्य उडान अवतरणमा कठिनाइ हुने जनाइएको छ ।
यसलाई हटाउन अझै केही घण्टा लाग्ने देखिएको छ । विमान राति पौने १० बजे दुर्घटनामा परेको थियो । जहाज धावनमार्ग छाडेर करिब १३९ फिट पर पुगेर भासिएको थियो ।
प्रकाशित मिति: ७ बैशाख २०७५, शुक्रबार
