उत्तर र दक्षिण कोरिया बिचको ६८ वर्ष लामो द्वन्द्व अन्त्यको चामत्कारिक घोषणा हुन सक्ने

५ वैशाख,एजेन्सी  । उत्तर र दक्षिण कोरियाले दुई देशबीच जारी ६८ वर्षे लामो द्वन्द्व अन्त्य गर्नेबारे छलफल थालेको रिपोर्ट बाहिरिएको छ ।अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच औपचारिक भेटवार्ता हुनुअघि नै यस्तो घोषणा हुने अनुमान छ । 

उत्तर र दक्षिण कोरियाबीच आउँदो हप्ता शिखर सम्मेलन हुने तय भएको छ । यही शिखर सम्मेलनबाट ६८ वर्ष लामो द्वन्द्व अन्त्यको चामत्कारिक घोषणा हुन सक्ने समाचारमा उल्लेख छ ।

‘उत्तर कोरियाका नेता किम जोङ उन र दक्षिण कोरियाका राष्ट्रपति मून जाई–इनले संयुक्त विज्ञप्ति जारी गर्दै सैन्य द्वन्द्वको अन्त्य भएको घोषणा गर्न सक्नेछन्’, सिओलका सरकारी अधिकारीको परिचय गोप्य राख्दै मंहुवा इल्बो समाचारपत्रले लेखेको छ ।

उत्तर कोरियाका नेता किम जोङ र दक्षिणका राष्ट्रपतिबीच प्यानमुन्जोनमा अप्रिल २७ मा हुने शिखर वार्तामा भेटघाट हुने तय भएको छ । यो दुई कोरियाबीच हुन लागेको तेस्रो शिखर वार्ता हो ।प्योङयाङ र सियोलको सन् १९५० देखि १९६३ सम्म चलेको  युद्धविराम सन्धिपछि रोकिएको थियो । दुवै देशबीच विराम सन्धि भएता पनि बेला–बेला दुई देशबीचको  सम्बन्ध उत्कर्षमा पुग्ने गरेको थियो ।

दुई देशबीच हुन लागेको शिखर वार्ताले किम र अमेरिकी राष्ट्रपति डोनाल्ड ट्रम्पबीच तय भएको ऐतिहासिक वार्ताका लागि मार्ग प्रशस्त गर्ने अपेक्षा गरिएको छ ।